GENERAL SANTOS CITY – Nagpagawas ug reaksyon ang kasundalohan may kalabutan sa ika-49 ka tuig nga founding anniversary sa Communist Party of the Philippines (CPP) niadtong Martes.
Matud pa ni Lt. Daryl Cansancio, tigpamaba sa 73rd Infantry Batallion Phil. Army, wala silay namonitor nga mga gipang-imbitahan nga musaka sa bukid lakip niini ang sakop sa media og taga-gobyerno.
Gibutyag sa opisyal, posibleng epekto kini sa SOMO kon suspension of military operation nga gipakanaug ni Pangulong Duterte kung asa walay naghatag og simpatiya sa anibersaryo sa maong walhong grupo.
Sa pahayag ni Lt. Cansancio nga itandi kaniadto nga dakong panagtigom sa CPP ang ilang ginapahigayon, pagkakaron mingaw ang pagsaulog sa grupo sa ilang anibersaryo.
Sa bahin ni Brigader General Ronnie Villanueva sa 4th ID wala silay namonitor nga nakasaulog og anibersaryo ang CPP sa ilang area of responbility.
Sa pahayag ni Villanueva nga may dili maayong epekto ngadto sa CPP ang pagdeklara kanila sa pangulo nga terorista.
