GENERAL SANTOS CITY – Nagpasalamat ang pamunuan sa Police Regional Office 12 sa nahimong kooperasyon sa mga residente aron magpabiling “generally peaceful” ang rehiyon dose atol sa pagsaulog sa holiday season.
Matud ni PBrig.Gen. Michael John Dubria nga nahimong malinawon ang pagsaulog og Pasko og Pagsugat sa Bag-ong tuig sa tibuok Socsargen human nga walay mga dagkong panghitabo o krimen nga natala sa palibot.
Buot pasabot nga wala magmalampuson ang mga personalidad nga buot mosabwag og kagubot atol sa holiday season.
Dugang pa sa opisyal nga ipadayon lang sa mga city og provincial directors sa rehiyon ang ilang mga maayong gimbuhaton aron magpabilin ang kahapsay og kalinaw.
Alayon niini, galaom ang labaw sa kapulisan sa tibuok rehiyon nga magpadayon pa ang kooperasyon sa publiko sa kampaniya sa kapulisan aron magpabilin ang peace and order sa region 12.
