GENERAL SANTOS CITY – Nahimong malinawon ang pagsaulog sa Eid’l Fitr dinhi sa dakbayan.
Kini human nga walay unsa mang natalang dagkogn kagubot atol sa mga aktibidad nga gipahigayon alayun sa kasaulogan.
Kahibaluan nga nagmalampuson ang pagtigom sa mga kaigsuonang Muslim sa MSU High School department nga sentro usab sa kasaulogan sa Ed’l Ftir sa dakbayan kung asa daghang pulis ang gipakatag sa lugar alang sa seguridad sa tanan.
Gawas sa mga mosque, adunay mga aktibidad usab nga gipahigayon sa maong tulunghaan nga ubay-ubay sa mga tumuloong Islam ang niduyog.
Ang mga nasampit ang nagkatigom sa dakong kumbira nga giandam human sa progama og pag-ampo… Gibanabanaan nga mukapin sa 3,000 ang mitambong.
Ang Eid-al-Fitr, usa ka importanteng selebrasyon og panagtigom sa mga Muslim isip timailhan sa pagtapos sa usa ka bulan nga Ramadan nga tradisyunal nga gi-obserba sa mga Muslim.
