GENERAL SANTOS CITY-All-set na ang preparasyon alang sa matigayon nga pagsaulog sa Blaan Day ugmang adlawa, Hulyo 22, dinhi sa dakbayan.
Kahibaluan nga gideklara sa Malacañang isip non-working holiday ang maong petsa dinhi sa siyudad, alayon sa nasampit nga selebrasyon.
Una nang gikumpirma ni Atty Doan Balboa, ang executive assistant sa City Mayors Office, nga may ipahigayon nga parade nga ipahigayon sa buntag, gikan sa Oval Plaza human sa ipahigayong ritual, dayon lahos ngadto sa SM mall, nga maoy labing unang higayon sa maong venue.
Kahibaluan nga ubay-ubay na ka mga partisipante ang nagpadayag nga muapil sa float parade. May ipahigayon usab nga pageant nga Search for Model Blaan Woman.
Kahibaluan nga mukabat ngadto sa P400,000 ang gigahin nga pondo sa lokal nga panggamhanan alang sa maong kasaulugan.
Lakip sa mga giimbitahan nga bisita alang sa selebrasyon mao silang Mayor Ronnel Rivera, Congressman Pedro Acharon Jr., ug Senador Manny Pacquiao.
