Gipaabot sa sunod nga semana ang pagsaka sa presyo sa produktong petrolyo sumala sa Department of Energy.
Sa pagbanabana base sa international trading sa milabay nga upat ka adlaw, gibutyag ni Department of Energy-Oil Industry Management Bureau Assistant Director Rodela Romero ang gasolina ang may pag-usbaw sa presyo nga P0.45 – P0.75 kada litro, sa Diesel – anaa sa P0.30 – P0.60 kada litro ang pagsaka sa presyo og sa Kerosene, may oil price hike nga P0.15 –P0.30 kada litro.
Gitan-aw nga ang gipaabot nga pagsaka sa preyo ang posibleng tungod sa nagkasamot nga tensyon sa Middle East og hugot nga sanctions sa US sa Iran og Russia.
Hinuon ang pinal nga adjustments ang masayran human sa ulahing adlaw sa trading karong semana.
Sa adlaw Martes, Pebrero 18 masayran ang ensaktong oil price hike nga ipatuman sa mga kompanya sa lana.
