GENERAL SANTOS CITY – Ablihan subli alang sa hiking ug trekking activities ang Mt. Apo sumala sa LGU Kidapawan. Kini human gisiradhan sa Mt. Apo Natural Park Protected Areas Management Board (MANP-PAMB) ang pinaka taas nga bungtod sa nasud gumikan sa nasinati-ang El Niño Phenomenon.
Sa pag-abli subli sa Mt Apo hugot gipatuman sa Kidapawan City Tourism Office ang mga patakaran aron malikayan ang pagkasunog sa lugar luyo nga wala pa mubalik sa normal ang mga pag-ulan .
TUmong sa pagpagawas sa regulasyon nga kinahanglan nga sundon sa mga climbers ug trekkers nga muagi sa Mandangan Trail .
Apil niini ang paguto ug pagkaon sa mga designated cooking area sa base camp uga ng muluto niini kadto lamang mga guides ug porters aron malikay sa sunog samtang hugot gibawal ang pagdala ug ilimnon nga nakasulod sa botelya .
Matud sa Kidapawan City Tourism Office nga kung alay ulan nga matigayon sulod sa pito ka adlaw gilayon nga isuspende ang tanan nga bookings alang sa climbing ug trekking activities ug bahala na ang MANP-PAMB nga magdesisyon kung bawi-on ang gipatuman nga suspension .
