GENERAL SANTOS CITY – Gisiguro sa General Santos City Police Office pinaagi sa tigpamaba niini nga si PCaptain Riza Hernaez nga dili gayud mahitabo ang natigayong pagpamusil sa usa ka pulis sa Tarlac Paniqui dinhi sa dakbayan.
Kahibaluan nga balhog na selda og napasakaan na usab og kaso si Police Master Sergeant Jonel Nuezca human nga gipatay ang mag-inahan nga silang Sonya og Frank Anthony Gregorio.
Matud ni Hernaez, karong panahuna kinahanglan nga ayuhon ang ‘mindset’ sa kapulisan aron musubay sa tul-id nga dalan samtang ginahimo og tarong ang ilang trabaho isip tigpatuman sa balaud og tigpanalipod sa mga tawo.
Sa pamahayag sa nasampit nga opisyal, kumpiyansa siya nga mga tarong ang mga pulis sa GSCPO og ginahimo ang ilang trabaho pinasubay sa ilang mandato.
Dugang pa ni Hernaez, dili mahimong i-generalize sa publiko ang mga pulis human ang krimen nga gihimo ni Nuezca nga walay kaluoy nga gipatay ang mga biktima atol sa ilang mainitong panaglalis.
