Pagpaubos sa presyo sa mga produktong petrolyo, epektibo sa unang adlaw sa September

Magpatuman ang mga kompanya sa lana og pagpaubos sa presyo sa mga produktong petrolyo sa unang adlaw sa September.

Sumala sa Department of Energy o DOE, mokunhod og P0.32 kada litro ang presyo sa gasolina.

Samtang mokabat og P3.83 kada litro ang pagkunhod sa presyo sa diesel ug P3.84 kada litro sa kerosene.

Epektibo ang pagpaubos sa presyo alas-6 sa buntag karong September 1.

Kahinundoman nga sulod sa duha ka semana, nakasinati og sunod-sunod nga pagsaka sa presyo ang mga produktong petrolyo.

Base sa assessment sa DOE, mokabat sa P54.92 kada litro ang kinatibuk-ang nadugang sa presyo sa gasolina gikan Enero hangtod Agosto 31, samtang P59.06 kada litro ang nadugang sa diesel ug P51.65 kada litro sa kerosene.