GENERAL SANTOS CITY – Gituhuan nga nanimalos lamang ang mga armado nga misulong sa mga gwardiya ni Rodrigo Olarte, usa sa mga claimant sa kapin 900 ektarya sa giilogang luna sa Hacienda Espina sa dakbayan.
Kini human gidakop sa mga sakop sa RQA security Agency nga nagbantay sa giangkon nga lugar sa mga Olarte ang nagpangalan ug Reynaldo Kamingaw nga taga San Roque Labangal dihang miagi sa lugar.
Gisukit-sukit matud pa sa mga gwardiya ang nahisgutang tawo ug didto nasuta nga may bitbit nga caliber 45 pistol lakip ang duha ka magazine nga adunay unod nga bala.
Wala matud pa mutug-an ang nahisgutang tawo dihang gipangutana kalabut sa adtu-an nga lugar hinungdan nga gikairita sa mga gwardiya.
Gilayon usab nga giturn-over sa Makar Police Station ang suspek ug nakatakdang kasuhan ug Illegal Possesion of Firearms and ammuniton.
