DAVAO CITY- Gipalagan sa mga taga-Kingdom of Jesus Christ (KOJC) nga adunay mga giingong dili katuohang pulis nga gipasulod sa ilahang compound sa ika-unom ka adlaw nga pagpangita kang Pastor Apollo Quiboloy aron sa pagsilbi sa warrant of arrest.
Gikwestyon sa mga miyembro ni Quiboloy ang presensya sa mga lalaki nga nakasuot og dili kumpleto ug ‘improper’ nga PNP athletic uniform.
Nahibulong usab sila nganong bata o tigulang ra usab kaayo ang mga nahisgutan.
Sa mga gi-post nga photos online sa ilahang media outlet nga gipaambit usab sa mga netizens nga dili mao ang prescribed shoes sa PNP athletic unform, walay medias ug nakapurong sa ulo nga tataw nga wala nahisubay sa protocol sa kapulisan sa tamang pagsuot sa uniporme.
Gidudahan nga ang mga nahisgutan ang gikan sa Davao De Oro nga mga minero.
Sa karon wala pay gipagawas nga pahayag ang mga otoridad kabahin niini.
Una na usab nga gikwestyon ang usa ka kanhing miyembro nga gigamit sumala pa sa mga otoridad pinaagi sa pagpasuot ug uniform sa pulis nga una na sumala pa kining gigamit sa Senado atol sa pagdungog nga giila nga usa ka Eduard Masayon alyas Jackson.
