Nakahukom ang Tourism Infrastructure Enterprise Zone Authority (TIEZA) nga dili na ipadayon ang ilang unang girekomenda nga proyekto sa pagpasuga sa bulkang Mayon.
Sa sinugdan, ang maong proyekto nakaani og pagsaway sa publiko ug sa lain-laing grupo.
Nunot niini, nipagawas og pamahayag ang TIEZA nga dili na kini ipadayon ang maong proyekto tungod giingong importante nga makuha ang ‘full support’ sa publiko ug hingpit nga pagdawat sa mga stakeholders sa maong proyekto.
Adunay P500 milyones nga inisyal nga pundo alang sa maong proyekto nga gitawag og Mayon Volcano Heritage Aesthetic Lighting Project.
Ubos niini, gusto sa ahensya nga madugangan ang visual appeal sa bulkang Mayon, ilabi na sa nighttime tourism .
Ang bulkan sa Mayon ang usa sa pinakasikat nga natural nga mga landmark sa Pilipinas tungod sa ‘perfect cone’ niini.
