GENERAL SANTOS CITY – Nagpasa og duha ka resolosyon ni South Cotabato 1st District Rep. Shirlyn Bañas Nograles sa kamugnaan sa Barangay Pagalungan, Polomolok, South Cotabato og Santa Cruz, Tampakan, South Cotabato.
Sa exclusive interview sa Bombo Radyo GenSan kay Bañas, iyang gibutyag nga gipasa niini ang maong sugyot balaodnon bisag dugay na nga nahimong barangay ang duha ka nasampit nga lugar gumikan walay Internal Revenue Allotment (IRA).
Iyang gihimo usab ang sa ingon human nga nagpasa ug tagsa ka resolosyon ang duha ka Municipal Sanggunian Bayan.
Gikadugang pa niini nga dili patas sa bahin sa Pagalungan og Santa Cruz nga wala silay IRA nga magamit sa nagkadaiyang mga programa o proyekto.
Nasayran nga ang House Bill No. 6881 ang alang sa Pagalungan og ang House Bill No. 6862 sa bahin sa Santa Cruz.
Matud pa ni Bañas nga napasa sa first reading ang maong duha ka resolosyon.
Una niini gilihok usab sa maong kongresista ang sugyot balaodnon kalabutan sa cityhood sa Polomolok apan nadelatar ang mga aksyon gumikan sa isyu sa COVID 19 .
