GENERAL SANTOS CITY – Nagresulta sa pagpanigbas ang away sa duha ka lalaki nga gikanayong mga boyfriend sa usa ka dalaga sa Prk. 3, Barangay Lapu, Polomolok, South Cotabato.
Sa impormasyon sa South Cotabato-PNP natigayon ang insidente dihang gisundan matud pa sa suspek nga si Alex Yo Balunto, 30-anyos nga taga-Brgy. Acmonan, Tupi ang iyang girlfriend nga si Mary Joy Gule, 24, nga makigkita matud pa sa iyang usa pa nga karelasyon nga si Muniel Mangilay Calayo, 36-anyos nga panday og taga Prk. 3 Brgy. Lapu, Polomolok.
Naabtan sa nakainom nga si Balunto ang iyang hinigugma nga si Gule kauban ang karelasyon niining si Calayo hinungdan nagkatensiyon og natigayon ang panaglalis nga nagresulta sa pagpanigbas sa suspek sa bitbit niining lagaraw sa biktima.
Nakaangkon og grabeng samad ang biktima ug karon kritikal ang kondisyon sa ospital.
Human ang panghitabo nadiskubre usab nga ang biktima sa pagpanigbas ang kasal usab sa ubang babaye. Sa karon nagpadayon ang imbestigasyon sa mga otoridad sa insidente.
