Pagpaningkamot sa mga pulis sa kampanya sa COVID 19 giila ni Mayor Rivera

GENERAL SANTOS CITY – Giila ni Mayor Ronnel Rivera ang pagpaningkamot sa General Santos City Police Office(GSCPO) aron mabuhat og tarong ang trabaho luyo pa man sa bahad sa COVID-19 pandemic.

Matud pa sa mayor nga dili lamang sa mismong kapulisan apan apil adunay risgo usab sa makamatay nga sakit ang ilang tagsa niini ka pamilya.

Mapasalamaton si Mayor Rivera sa dedikasyon sa GSCPO sa pagpanguna ni Police Col. Gilberto Tuzon hilabi na sa COVID 19 response nga usa ka dakong hagit sa trabaho sa kapulisan.

Nasayran nga dili lamang sa mga naka-assign sa mga checkpoints ang mga police apan kabahin gihapon sila sa contact tracing sa mga suspected COVID 19 patients.