GENERAL SANTOS CITY – Giklaro ni Jazer Radasa, Admin Officer sa Cagayan de Oro – Security Exchange Commission(SEC) nga niadtong March 8, 2017, aduany gipagawas nga SEC Advisory batuk sa aktibidad kaniadto ‘KAPPA’ kon Kabus Padatuon nga gitukod ni Joel Apolinario nga nagpahibalo sa publiko nga dili makig-transakyon niini tungod dili otorisado sa SEC nga magkolekta ug salapi.
Ang modus sa KAPA nga gipaagi ug donasyon apan nangolekta kini og salapi nga porma og investment kung asa nagpromisa sa mga miyembro nga adunay mabalik nga 30 % sa ilang gihatag nga salapi.
Apan giklaro ni RAdasa nga ang donasyon angayang walay mabalik nga salapi gikan sa nagdonate sukwahi sa gihimo ni gisaad ni Apolinario.
Sa pahayag niini nga adunay SEC registration si Apolinario alang sa ministry apan dili kini garantiya o wala naghatag ug pagtugot nga pwedeng magkolekta og investment sa publiko.
Sa pakighinabi kang P/C/Insp Ephraim Migrenio, City Director sa Bislig City Police Office, gibutyag niini nga sa gihimong imbestigasyon human nabulgar ang modos ni Apolinario, ilang nasuta nga illegal gayud ang ginahimong pagkolekta og salapi sa KAPA.
Sa iyang pahayag nga unang mga nahimong miyembro niini mao ang mga taga Seventh Day Adventist didto sa Bislig kung asa gikaingong pastor si Apolinario.
Midako og midaghan ang miyembro sa KAPA human nga naengganyo ang mga magtutudlo sa Bislig og nag-invest og salapi human nga gi-endorso kanila ang maong sistema sa asawa ni Apolinario nga usa ka magtutudlo.
Gigamit usab ni Apolinario ang iyang pagka-radio commentator sa lugar aron makapang-engganyo pa og daghang miyembro human nga mipromisa nga adunay P500 cash nga madawat sa kda miyembro nga ma-recruit.
Gibutyag ni Migrenio, nga nagpasaka sila og kapin 100 ihap sa kasong syndicated estafa kay Apolinario lakip sa mga gikaingong board of directors niini.
Apan human niini, milayas na sa Bislig og miadto sa Alabel Sarangani kung asa daghan na usab og naengganyo sa iyang modos
