Gisugdan na sa House of Representatives ang pagpangandam alang sa ikalima nga State of the Nation Address ni Pangulong Ferdinand Marcos Jr. nga gikatakda sa Hulyo 27, 2026.
Sa unang inter-agency coordination meeting, giingon ni House Secretary General Atty. Cheloy Velicaria-Garafil nga “simplicity” ang tema sa SONA karong tuiga. Sumala kaniya, wala nay red carpet ug taas nga mga gown, ug gidasig ang mga motambong nga magsul-ob og simple apan angay nga panapton.
Mitambong sa maong meeting ang mga representante gikan sa Kamara, Senado, Malacañang, mga ahensya sa seguridad, ug lokal nga panggamhanan aron hisgutan ang seguridad, protocol, ug uban pang preparasyon alang sa tinuig nga report sa Presidente sa Kongreso.
Ang ikalima nga SONA ni Pangulong Marcos ipahigayon sa Session Hall sa House of Representatives sa Hulyo 27.
