GENERAL SANTOS CITY -Mikalma na matud pa ang mga gatanum og punuan sa marijuana sa Tboli, South Cotabato.
Kini ang gibutyag sa Bombo Radyo ni P/C/Insp. Ramil Villagracia, hepe sa T’boli Municipal Police Station.
Gibutyag niini, natangtang ang mga tanum nga mariwana sa IP sa lugar ilabina sa bukirong bahin human nga gihatagan ug livelihood assistance.
Inisyatibo kini sa LGU-Tboli katambayayong ang Department of Agriculture sa paghatag og karabao aron magamit sa panguma.
Sa pahayag ni Villagracia, karon ginasuhid ang mga lugar sa Tboli ilabina sa mga hilit nga dapit aron ma-monitor kung adunay gatanum, og gapatubo og punuan sa marijuana.
Samtang, mukabat sa 225 drug surfacing personalities sa Tboli South Cotabato ang mugradwar karong adlawa sa Community Based Rehabilitation Program.
Matud pa P/C/Insp. Villagracia, hepe sa T’boli Municipal Police Station, natapos sa mga nahisgutan ang 16 ka module human mipailawom sa maong programa.
Sa pahayag niini, bisan og graduate na monitoronhugot gihapon nga monitoron ang mga nasampit kung hingpit ba nga miundang sa kalambigitan sa iligal nga droga.
Samtang, padayon gihapon ang kapulisan sa Tboli sa pagmonitor sa mga drug surenderees kung padayon ang pagbag-o.
Sa pahayag ni Villagracia, kini kabahin gihapon sa pagsunod sa kapulisan sa kampanya sa Duterte administration kontra druga.
