GENERAL SANTOS CITY – Nahimo nang panginabuhian sa mga tawo sa Sitio Malalag, Brgy. Napnapon, Palimbang, Sultan Kudarat, ang pagpananom ug marijuana.
Kini ang gibutyag ni PDEA-12 Regional Director Gil Castro sa pakighinabi sa Bombo Radyo, human ang gihimo nilang eradication sa duha ka ektarya nga plantasyon sa marijuana.
Sumala pa nga gatuo ang mga residente sa lugar nga ligal ang naasoy’ng panginabuhian, hilabi na nga kapin 10 ka pilo matud pa ang kita nila.
Apan gihingusgan ni Castro nga iligal pa gayud dinhi sa nasud ang pagpananom ug marijuana nga gikonsidrang ‘dangerous drugs, luyo nga ginatun-an karon sa mga magbabalaod ang paggamit ug medical marijuana isip tambal sa pipila ka mga balatian.
Hinungdan nga kinahanglan gayud nilang ipatuman ang balaod, ug panggabuton ug kumpiskahon gayud ang mga masayran nga gitanom nga marijuana, ug dakpon ang mga nagtanom ug ganegosyo niini.
