GENERAL SANTOS CITY – Padayon ang imbestigasyon sa kapulisan may kalabutan sa ulahing natigayong pagpamusil-patay sa palengke sa Brgy. Poblacion Polomolok South Cotabato kagahapon.
Ang biktima ang nailhan sa pangalan nga si Henry Tam, 45, mag-uuma nga taga Brgy. Tacon Tboli South Cotabato. Matud kay P/Senior Insp. Romeo Alvano sa Polomolok Municipal Police Station, natigayon ang pagpamusil ala 1:15 kagahapon sa hapon samtang ang biktima ang gatindog sa sagingan duol sa gym tungod nagmeryenda ug kamote og juice.
Gikan sa gitindugan, gipusil usa ka higayon ang biktima ug dihang natumba gitiwasan og pusil sa suspek kung asa gidul-it ang .45 caliber pistol sa biktima.
Sa pahayag ni Alvano nga ang biktima ang mutambong unta sa hearing isip biktima og ingon usab testigo sa pagpamusil human nga gipusil niadtong 2016 kauban si Ragsak Mam, kinsa nakabasan sa kinabuhi.
Gikanayon nga human mihalo ang suspek sa tumpok sa mga tawo nga anaa sa palengke human nga gipusil ang biktima. Segun sa mga nakasaksi sa pagpamusil, gamayon ang suspek, naka-jacket og kulay brown nga may hood og naka-face mask.
