-- ADVERTISEMENT --
GENERAL SANTOS CITY – Padayon pa nga giimbestigahan sa Polomolok Police Station ang pagpusil patay sa usa ka welder sa gitrabahuan niining batching plant sa Barangay Silway 7, Polomolok, South Cotabato.
Alas 11:00 sa gabii adlawng Biyernes nahitabo ang insidente ngaang biktima giila nga si Marvin Umadli Palanog, 47-anyos, residente sa Purok Bayanihan, Barangay San Isidro, GenSan.
Magduha pa bulan pa lang nga nakadestino ang biktima ug stay-in sa compound sa gitrabahuang planta.
Nakig-alayun ang kapulisan sa mga kaubanan sa trabaho sa biktima ug sutaon usab kung adunay CCTV sa maong planta aron makatabang sa dinaliang pag-ila sa suspek.
