Hingpit nga wala nadaut ang nuclear program sa Iran human sa airstrike nga gihimo sa Amerika.
Kini base sa usa ka classified preliminary intelligence report gikan sa Estados Unidos.
Sukwahi kini sa unang pamahayag ni U.S. President Donald Trump nga nagkanayon nga malampuson ang
operasyon batok sa mga pasilidad nukleyar sa Iran.
Base sa report nga Defense Intelligence Agency (DIA), nga mulungtad lamang sulod sa pipika ka bulan ang pagdelatar sa nuclear program sa Iran, gumikan wala nadaut ang mga underground facilities o tanan nga centrifuges og stockpile sa enriched uranium.
Gikumpirma sa White House nga tinood ang report apan gibutyag ni White House Press Secretary Karline Leavitt, nga “flat-out wrong” ug usa lamang ka pag pangdaut kang Pangulong Trump ug sa mga piloto sa US Air Force nga nangulo sa operasyon.
Kahibaluan nga gigamit sa U.S. military ang mga B-2 bombers ug submarine-launched Tomahawk missiles sa ilang coordinated strike sa tulo ka nuclear facilities sa Iran.
