Gibutyag ni National Telecommunications Commision kon NTC XI Regional Director Dr. Nelson Cañete, nga ilaha gayud nga namatikdan ang pagsumpaki sa duha ka mga balaod kalabot sa nanggagawas karon nga scam text ug scam calls bisan pa man nga nakarehistro ang usa ka sim card.
Sumala pa ni Dr. Cañete nga aduna gayuy panginahanlan sa pagtuon pag-usab sa mga balaod kalabot niini. Sigon pa niini nga wala sa nag implementa sa balaod ang problema apan anaa kini mismo sa maong balaud.
Pagpasabot niini nga ang Republic Act No. 11934 kon SIM card law ang nagkanayon nga ang tanang mga sim card og wala pa marehistro ang kinahanglan gayud nga ideactivate.
Apan dakong hagit karon sa NTC ang pag-ila og paggukod sa mga tag-iya sa mga numero nga nagabuhat niini nga pagpangilad, tungod aduna kitay lain pang balaod nga nagababag kanila sa pag access sa datos, nga mao kana ang Republic Act No. 10173 kon Data Privacy Act sa nasud.
Dugang pa niini nga wala usab silay gahum sa maong datos, tungod ang mga telco companies mao ang nagahupot sa maong listahan sa ngalan sa tag-iya o gina-ila nga data base sa mga numero nga nagapanglimbong.
Gani matud pa na niini nga ang mabuhat lamang gayud nila mao ang gikan sa reklamo sa publiko, ilaha kining ipaabot ngadto sa central offcie, ayha kini mapaabot ngadto sa telco commapines diin kini sila ang adunay obligasyon usab nga protektahan ang ilahang mga customers lakip na ang mga tag-iya sa numero nga naga pang-scam.
Sumala pa niini nga aduna nay nadawtaan ang maong buhatan nga bag-ong mando gikan kay NTC officer-in-charge Deputy Commissioner Ella Blanca Lopez nga kinahanglan nila nga magmugna og information drives konta text scams aron ma-educate usab ang publiko sa maong mga scam.
