Posibleng mupatuman na usab ang Department of Agriculture (DA) og maximum suggested retail price (MSRP) sa presyo sa mga produktong baboy sa mga nag-unang merkado, kung magpadayon sa pagtaas ang presyo niini.
Kini human mipahigayon og inspeksyon sa mga palengke ang mga opisyal sa ahensya ug nakita nila ang mitaas nga ‘gap’ tali sa farm gate prices ug retail prices.
Ang presyo sa mga livestock nga baboy ang anaa sa P220-P240 matag kilo samtang ang retail prices usab ang anaa sa gitas-on nga P380-P420 matag kilo.
Gipahayag ni Agriculture Secretary Francisco Tiu Laurel Jr., nga ang pagpatuman og MSRP sa nahisgutang mga produkto aron nga malikayan ang profiteering o overpricing sa mga merkado.
Dugang pa niini, mupatuman lamang ang ilahang departamento og MSRP sa higayong dili ordinaryong mga margins sa mga retailers.
Samtang sa kabahin usab sa mga retailers, ang kaso sa African Swine Fever (ASF) sa nasud mao ang hinungdan sa nagpadayong pagsaka sa presyo sa nahisgutang mga produkto.
Samtang, nagplano usab ang ahensya nga irekomenda ang pag-aproba sa usa ka bakuna sa ASF gikan sa Vietnam alang sa komersyal nga pagamit niini karong tuiga, aron hingpit nang mahunong ang mga isyu sa ASF lakip na ang bird flu.
