Gihulat na lamang ang pag-amienda sa Environmental Code sa Sangguniang Panlalawigan sa South Cotabato kalabutan sa pagmina sa Tampakan, South Cotabato.
Una niini giaprobahan sa Department of Environment and Natural Resources kon DENR ang aplikasyon sa pagbalik sa minahan sa maong lugar.
Gibutyag ni DENR – 12 Mines and Geosciences Bureau Division chief John Mickel Ansao nga dili na open pit mining ang himoon inay bench mining nga mao ang pagkalot sa kilid sa bukid .
Gibutyag nga sunod sunod nga hearing og konsultasyon kalabutan sa subli nga pag-operate sa maong minahan kung asa giuyonan sa kadaghanan.
Kahibaluan nga ang nasampit ang nahimong bisita sa session sa Sangguniang Panlungsod kagahapong adlawa aron magpaklaro sa pagbalik sa operasyon sa maong minahan.
Kahinumduman nga daghan ang nagprotesta sa miaging semana kung asa dili gusto sa open pit mining.
