Gihingusgan ni Atty. Jose Villanueva, assistant regional director sa COMELEC 12 nga may direktiba lokal nga mga poll body offices nga panglangkaton ang mga campaign posters sa mga kandidato nga wala sa common poster area.
Iyang gipaklaro nga sulatan una ang mga kandidato nga hangyuon nga tanggalon sulod sa tulo ka adlaw og kung dili mahitabo ilang himoon ang Oplan Baklas sa tabang sa mga agency partners sa gobyerno.
Apila ni Atty. Villanueva sa mga pulitiko og mga supporters nga sundon ang patakaran sa Comelec.
Nasayran nga sa GenSan adunay kapin sa 60 ka mga common poster area og didto pwede ibutang ang mga campaign posters sa mga kandidato.
Nasayran nga bawal ang pagbutang og campaign posters sa mga pulitiko sa punuan sa kahoy lakip na sa mga pampublikong buhatan sa gobyerno.
