GENERAL SANTOS CITY – Padayon nga giimbestigahan sa Bureau of Fire Protection Gensan sa sunog nga natigayon sa Apostolic Kingdom of Praise nga nahimutang sa Purok 5 Conel ning syudad.
Matud ni FO3 Lester John Muñez Arson investigator nga balikan pa niining adlawa ang crimescene aron pagkuha ug dugang ebidinsya aron matumbok ang sinugdanan sa kalayo nga milamoy sa tibuok simbahan.
Matud ni Pastor Jerry Escolano head Pastor sa Apostolic Kingdom of Praise nga wala sila dihang nahitabo ang sunog tungod adunay giadtu-an gani nakita matud pa niini ang itum nga aso gikan sa nasunog nga Kapilya.
Pasado alas onse sa buntag milakaw matud pa kauban ang asawa apan paghawa nila sa lugar napalong matud pa ang kutay sa kuryente.
Nakumpirma niini nga ang gidumala nga simbahan ang nasunog dihang may nagpost sa social media ug gikumpirma ang pagkasunog sa simbahan.
Naapil kasunog ang amflifier, instrumental set , appliances apan dili mabana-bana ang kantidad. Una nga gikumpirma sa Bureau of Fire Protection nga walay tawo sa lugar dihang nahitabo ang sunog.
