GENERAL SANTOS CITY – ‘Its a very brave decision, pero pinaka-wise nga decision at this moment’.
Kini ang gibutyag ni Michelle Solon, organizer sa SarBay Fest 2017 sa pakighinabi sa Bombo Radyo, human ang anunsyo kahagapon nga dili ipadayun ang maong kasadyahan sa Sarangani.
Matud sa Sarangani First Lady, suportado sa lokal nga panggamhanan ang deklarasyon ni Pangulong Rodrigo Duterte sa Martial Law sa tibuok Mindanao aron masulbad ang problema sa teroristang grupo human ang pagpanagtaki sa Marawi City sa miaging adlaw.
Angayang musunod sa gustong mahitabo sa Pangulo kon asa nasabtan usab nga alang kini sa kaluwasan sa tanan.
Gibutyag sa kapikas sa kinabuhi ni Sarangani Gov. Steve Chiongbian Solon, gilauman unta ang pag-abot sa mga international tourist gawas pa sa mga lokal nga turista human nga naka-booking na og hotel.
Sa pahayag niini, andam na ang tanan alang sa Sar Bay Fest gikan sa pag-set up sa mga venue sa lugar hangtud sa seguridad, luyo nga una nang gibutyag sa kasundalohan ug kapulisan sa probinsya nga walay ‘imminent threat’ kon gilaumang bahad sa seguridad sa probinsya
