Dako ug tampo ang kamahiligon sa Chinese sa pagkaon og pinya sa record sa Pilipinas nga dul-an sa $800 milyones nga kita sa eksport sa miaging tuig.
Base sa datos sa Philippine Statistics Authority, ang export value sa pinya ug mga produkto niini misaka ug 7.5 porsyento matag tuig ngadto sa $787.12 milyones.
Kadaghanan sa mga resibo sa eksport gikan sa mga kargamento sa fesh o ang dried pineapple.
Ang Pilipinas mi-eksport og $183.43 milyones nga kantidad sa pinya ngadto sa China niadtong 2024 nga halos 18 porsiyento nga mas taas kaysa $155.73 milyones nga natala niadtong 2023.
Ang China nagpabilin nga nag-unang destinasyon sa mga pinya sa nasud.
Ang Food and Agriculture Organization (FAO) sa United Nations mipahibalo nga ang eksport sa pinya sa Pilipinas mosaka sa bag-ong record level sa 2024 tungod sa nagkataas nga panginahanglan sa mga konsumidor sa China alang sa mga premium nga pinya gikan sa Pilipinas.
