GENERAL SANTOS CITY – Nagpaklaro si Kag. Yumang kalabot sa laing giduso niining ordinansa sa SP may kalabutan sa pagbawal sa paghukas ug tshirt kon pang-ibabaw nga sapot sa mga pampublikong lugar, hilabi na alang sa mga kalalahin-an.
Sumala pa nga isip mga lumulupyo sa sibilisadong nasud, angayang mulihok usab isip mga sibilisadong tawo, hilabi na sa mga pampublikong lugar.
Sumala pa nga ang exception lamang niini kung anaa sulod sa mga panimalay, ug sa mga kaliguanan kon resorts. Usa ka libo matud pa ang multa alang sa mga makalapas, kung asa ang barangay kapitan ang may katungod nga manakop, isip kabahin gihapon sa pag-empower sa mga barangay.
Samtang, kalabot sa resolusyon sa pagbawal sa paghatag ug limos, P500 matud pa ang pina alang sa naghatag ug limos, samtang P1,000 alang sa nanglimos.
Apan may exception matud pa kini, kung ang nanglimos mga bata sama 8 anyos, inay nga pinahan, i-recsue matud pa ang bata ug i-turn over sa CSWDO alang sa profiling, dayon dal-on sa mga ginikanan nga ipailawom usab sa responsible parenthood seminar.
Apan kon ugaling magbalik-balik na ang bata, ipasa ang penalty ngadto sa ginikanan, gumikan daw sa gi-tolerate ang paglimos sa mga bata.
