Paghawa ni Sen. Imee sa Alyansa Para sa Bagong Pilipinas walay problema – PBBM

Walay nakit-ang problema si Pangulong Ferdinand Marcos Jr sa pagkalas ni Senator Imee Marcos sa senatorial slate sa koalisyon sa administrasyon.

Kini ang gibutyag sa Pangulo human pangutan-on kalabotan sa nahimong desisyon sa iyang magulang nga mihawa sa linyada sa administrasyon og mupapili sa sunod nga eleksyon isip independent candidate.

Gibutyag ni Pres. Marcos nga ang paghawa ni Sen. Imee maghatag og kagawasan aron mamili sa iyang kaugalingong iskedyul sa pagpangampanya.

Hinuon gisiguro sa Pangulo nga suportado gihaponsa Alyansa Para sa Bagong Pilipinas ang senadora.

Gisiguro usab sa Pangulo nga welcome usab si Sen. Imee nga motambong sa ilang kampanya.