Walay dili maayong panghitabo nga natala ang Philippine National Police (PNP) sa paghandum sa Undas 2024 sa tibuok nasod.
Matod ni PNP PIO Chief PBGen. Jean Fajardo, sa kinatibuk-an malinawon ang sitwasyon sa nagkadaiyang sementeryo, terminal, pantalan ug tugpahanan sa nasud.
Sa kinatibuk-an, 39,593 ka mga pulis ang gipakatap sa mga estratehikong lugar ug mga lugar sa panagtapok.
Gawas niini, aduna usab mga nagkatag sa mga tourist spots ug kapulisan nga padayong nagpahigayon sa Humanitarian Assistance ug Disaster Response sa mga lugar nga naigo sa bagyong Kristine ug Leon.
Gipasabot ni Fajardo nga pabiling mabinantayon ang National Police hangtod nga makabalik sa Metro Manila ang mga nibakasyon sa mga probinsiya karong Undas.
Nagpabiling alerto ang tibuok pwersa sa PNP karong Undas.
