GENERAL SANTOS CITY – Gisugdan na sa paghan-ay ang security measures sa matigayon nga kapistahan ni Senior Santo Niño sa Bula ning dakbayan.
Matud pa ni Police Major Rissa Hernaez, chief sa Regional Public Information Office sa Police Regional Office kon PRO 12 nga andam nga magdeploy sa regional headquarter, oras nga magkulang ang pwersa nga magbantay sa palibot.
Gikadugang pa niini nga gisugdan na ang pagplano sa paghan-ay sa security measures aron nga masiguro ang kaluwasan sa katawhan.
Kahibaluan nga bisperas pa sa piyesta sa Enero 15, 2024 daghan na ang mga tawo nga gatambong sa mga aktibidad.
Ang kapulisan ang hugot nga gapahimangno sa publiko nga sundon ang tanang mga patakaran atol sa kapistahan.
Gawas sa sakop sa kapulisan, ang military lakip ang laing mga law enforcers og force multipliers ang apil mubantay sa segurudad sa palibot.
