GENERAL SANTOS CITY- Walay malisya alang sa usa ka Pinay nga taga-GenSan apan atua karon didto sa South Korea, ang gihimong paghaluk ni Pangulong Rodrigo Duterte sa lips, sa usa ka Pinay, kaniadtong Dominggo.
Matud ni Jeremae Tamanal, Research Assistant sa Samyook University, didto sa nasampit nga nasud, nga clean fun lamang ang nahitabo, ug simple smack lamang ang gihimo sa pangulo, hilabi na nga mismong ang babaye ang misugot nga mahalukan ni Duterte.
Hinungdan nga siya mismo isip usa ka babaye, ang wala ma-offend sa gihimo sa pangulo.
Dugang pa ni Tamanal nga daghan ug Pinoy nga supporters si Pangulong Duterte sa South Korea.
Ug gani, hilabihan matud pa kadaghan gikan sa Filipino community ang miadto sa event kaniadtong tungura aron makahimamat ang pangulo.
Gikalipay usab matud pa nila ang paghatag matud pa ni Pangulong Duterte ug tabang, ug dakong pondo alang sa edukasyon, kahimsog, ug uban pang kaayuhan alang sa mga anak ug pamilya sa mga Pinoy nga nagtrabaho sa South Korea.
