GENERAL SANTOS CITY – Nagpadayon ang hot pursuit operation sa mga otoridad sa tag-iya sa
plantasyon sa marijuana nga nadiskubrehan sa Tampakan, South Cotabato.
Kini human sa pagkarekober sa hiniusang pwersa sa Tampakan Municipal Police Station ug Philippine
Drug Enforcement Agency o PDEA 12 sa halos 100 ka punuan sa marijuana sa Sitio Sawmill, Brgy Liberty
sa nasampit nga lugar.
Matud kang Chief Inspector Joseph Forro, hepe sa nasampit nga presinto, giila niini ang cultivator sa
naasoy’ng plantasyon nga si Isagani Binuhay nga nakasibat matud pa una miabot ang mga otoridad.
Gibanabanaang anaa sa P20,000 ang kantidad sa gisunog nga marijuana.
Sa karon ginasayod pa sa mga otoridad kung may uban pang plantasyon sa marijuana sa nasampit nga
hilit nga lugar.
