GENERAL SANTOS CITY – Gihingusgan ni Kag. Shandee Llido Pestanio nga nakatabang ang pagdeklara ni Pangulong Rodrigo Duterte sa Martial Law sa Mindanao.
Matud pa, sa ubang lugar gawas sa Mindanao, gitan-aw sa mga tawo nga kadaut ang hatud sa balaud militar apan wala masayod ang mga nasampit kon unsa ang sitwasyon karon sa rehiyon human ang natigayon nga pagpangataki sa Marawi.
Isip lomolopyo sa dakbayan gilantaw niining mas ‘safe’ kon luwas siya karong nakit-an sa palibot ang presensiya sa mga kasundalohan og kapulisan bisan asa.
Gibutyag niini, wala kaayo nabatyagan sa dakbayan ang epekto sa balaud militar nga dako kaayo ang kalahian sa martial law nga gipatuman sa rehimeng Marcos kon asa gitangtang ang civil rights.
Sa pahayag ni Kag. Pestanio, sa karon nga martial law, dili kaayo istrikto kon asa wala gipatuman sa tibuok dakbayan ang curfew luyo sa police visibility sa mga kapulisan sa mga kadalanan.
