Hugtanong gikondena ni Washington DC Mayor Muriel Bowser ang pagpadala sa mga tropa sa US National Guard sa Washington DC nga gimando ni US President Donald Trump isip tubag sa harsh nga krimen sa siyudad.
Ang mga tropa sa National Guard ug armored vehicles gipakatap sa mga sentro sa kasyudaran ug mga tourist spot kaniadtong Martes sa gabii.
Moabot sa 800 ka mga tropa sa National Guard ug 500 ka mga agents sa federal ang gilauman nga ipakatap.
Gitawag ni Bowser ang lakang sa Presidente nga “authoritarian push” ug gipanghimakak ang giingong nagkagrabe nga krimen sa siyudad.
Si Trump, sa laing bahin, mihulga nga mohimo og susamang aksyon sa New York ug Chicago, nga parehong gipangulohan sa mga Democrats.
Sumala sa White House, gidakop sa mga agents sa federal ang 23 ka tawo kaniadtong Lunes sa gabii tungod sa pagpatay, pagpamusil, ilegal nga droga, ug uban pang mga kaso.
“This is only the beginning,” ingon sa kalihim nga si Karoline Leavitt, sa usa ka press nga nagpasidaan sa daghang mga pag-aresto sa umaabot nga mga semana.
Apan si Mayor Bowser miinsister sa usa ka town hall nga ang mga residente kinahanglang makig-away alang sa kagawasan sa siyudad. Giawhag usab niya ang publiko nga suportahan ang eleksyon sa usa ka Democratic House ingon usa ka “backstop” batok sa pagmando ni Trump.
Gi-report sa pulisya ang 35% nga pagkunhod sa mapintas nga krimen sa lungsod sa miaging tuig, apan pipila ka mga grupo nag-ingon nga ang datos mahimong peke.
Tungod kay ang datos sa FBI nagpakita sa usa ka 9% nga pagkunhod.
