Andam na ang General Santos City Public Terminal sa pagdawat sa posibleng pagdagsa sa mga pasahero karong umaabot nga Semana Santa, ilabina sa mga moluwas ug molakaw pauli sa ilang probinsya ug mga destinasyon.
Matud sa administrasyon sa terminal, gihimo na ang angay nga pagpangandam aron masiguro ang hapsay ug luwas nga pagbiyahe sa katawhan sulod sa panahon sa Kwaresma, nga kasagarang makita ang grabeng pagdaghan sa mga pasahero.
Gipahibalo usab sa pipila ka mga bus companies nga wala silay biyahe sa Abril 3, 2026, nga mao ang Byernes Santo, isip pagtahod sa okasyon. Human niini, mobalik dayon sa normal nga operasyon ang ilang mga biyahe sunod sa holiday schedule.
Gilauman sa mga otoridad nga magtinabangay ang mga pasahero, terminal staff, ug transport operators aron malikayan ang kalibog ug masiguro ang luwas ug maayong biyahe sa tanan samtang nagpadayon ang Semana Santa
