GENERAL SANTOS CITY – Nahimo gihapon nga hisgutanan hangtud karon ang pagdagsa sa daghang isda sa Tinoto, Sarangani Province.
Matud pa kang kang Jeff Tagum, residente sa Maasim nga nakuratan ang daghang mga tawo sa dihang nakit-an ang daghang isda nga gitawag nga lupoy o juvinile pelagic sardines.
Sa iyang pamahayag nga kaadlawon pa lang nakit-an ang maong daghang isda hinungdan nga nakuratan sila og miadto ang mga residente sa daplin sa dagat.
Matud pa nga nag-iyahay og pagkuha sa isda ang mga tawo og ang mga guest sa JML Beach resort.
Wala nay area nga pwedeng maligo ang mga guest gumikan puno og isda.
Ang mga tawo ang gipasulod na sa beach resort bisag walay bayad aron nga manguha og isda aron nga dili magbaho.
Gikadugang pa sa nasampit nga dili kini ang labing unang higayon nga may midagsa og daghang isda sa ilang lugar.
Apan ang nahitabo mao pa ang labing daghan kaayo ang midagsa nga lupoy.
