Wala na gadawat og bag-ong aplikasyon ang Philippine Amusement and Gaming Corporation o PAGCOR gikan sa internet gaming licensees o IGLs human ipatuman ang total ban sa POGO.
Sa pagsugod sa joint public hearing sa gimugnang Quad Committee sa Bacolor, Pampanga, gipangutana ni SAGIP Party-list Representative Rodante Marcoleta kung napatuman na sa PAGCOR ang direktiba ni Pangulong Bongbong Marcos kaniadtong ikatulong State of the Nation Address.
Matod ni PAGCOR Vice President for Offshore Gaming and Licensing Department Atty. Jessa Fernandez, gihunong na nila ang pagproseso og mga aplikasyon og dugang sites ug nagsugod na usab ang implementasyon sa hiring ban.
Nagbawas na usab og operational sites ang IGLs og boluntaryong nag-apply aron sa pagpahunong og sa mga musunod nga bulan gipaabot nga mugamay na ang ilang operasyon.
Gipaklaro ni Fernandez nga ginatun-an sa nagkadaiyang ahensya ang hollistic approach sa pagsunod sa total ban sa POGO.
Gipapasa matod pa sa PAGCOR ang IGLs og komprehensibong plano aron pagpahunong sa operasyon sa tanan pag-abot sa December 31, 2024.
Gibutyag pa sa opisyal nga dili mahimo nga zdali-dalion ang pagpasirado sa mga POGO.
Apan dili kumbinsido si Marcoleta tungod klaro ang kamandoan ni Pangulong Marcos nga sugod sa adlaw sa ikatulong SONA niini ipahunong na ang mga POGO.
