Nagpahimangno ang Philippine Amusement and Gaming Corporation (PAGCOR) sa publiko batok sa patuyang nga pag-apil sa mga ilegal nga online gaming site nga wala’y klaro nga rehistro ug legalidad sa Pilipinas.
Gipagawas sa PAGCOR ang listahan sa mga nadiskubreng ilegal nga sites nga naga-operate walay awtorisasyon.
Apil usab sa mga natumbok nga site ang https://cazeus2.com/en/responsible-gaming, nga gitaho nga nag-operate gikan pa sa United Kingdom.
Gi-awhag ni PAGCOR Chairman and CEO Alejandro Tengco ang publiko nga magmatngon ug magbantay sa pagpili og online gaming platforms.
Giingon niyang importante nga siguruhong legal, lisensyado, ug giila sa PAGCOR ang site aron malikayan ang pagpangilad, pagkawala sa kwarta, ug mga legal nga kasamok.
Dugang pa ni Tengco, padayon ang ilang operasyon ug koordinasyon sa mga otoridad aron masirado ug mapanagot ang mga nagpadagan sa mga ilegal nga sugal online.
Nagpahinumdom ang PAGCOR nga ang pag-apil sa mga illegal online gambling site makapadangat og dakong risgo, dili lamang sa kwarta, apan pati sa seguridad ug legalidad sa mga tawo nga moapil niini.
