Tulo ka South Korean military officer ang nasamdan human mibuto ang usa ka butang sa western sector sa Demilitarized Zone o DMZ nga nagbulag sa North ug South Korea.
Matud sa Joint Chiefs of Staff sa South Korea, nahitabo ang insidente niadtong Lunes, apan wala pa matino ang hinungdan sa pagbuto.
Gikataho sa lokal nga media nga posibleng landmine ang hinungdan sa maong explosion.
Duha sa mga opisyal ang gisakay og helicopter gikan sa lugar, samtang ang ikatulo gidala una pinaagi sa yuta sa wala pa gi-airlift.
Ang tulo ka opisyal karon gitambalan sa usa ka military hospital duol sa Seoul.
Kanunay usab nga peligro ang landmine ug uban pang mga explosive device sa palibot sa DMZ, diin gibanabanang mokabat sa duha ka milyon ka landmine ang nakatag sa sulod ug duol sa maong border.
