Pagboto ugmang adlawa magsugod alas 5:00 sa buntag

GENERAL SANTOS CITY – Giawhag ni Atty.April Mitsor-Miguel ang mga botante nga i-exercise ang katungod nga magboto ugmang adlawa.

Sa iyang pamahayag nga alas 5:00 sa buntag abli na ang tanang mga presinto aron sugdan ang pagboto.

Gikan alas 5:00 sa buntag hangtud sa alas 7:00 sa buntag mao ang schedule sa pagboto sa mga PWDs, senior citizens og mga buntis kung asa exclsive sa maong sektor.

Ang pagboto sa mga regular voters gikan alas 7:00 sa buntag og mahuman alas 7:00 sa gabii.

Taas ang panahon nga gihatag sa mga botante kung asa 14 ka oras ang voting hours aron nga may igong panahon ang tanan nga magboto.

Bisag ang tibook probinsya ang malinawon apan nagpabilin alerto ang mga otoridad sa pagbantay sa palibot.