GENERAL SANTOS CITY – Gitin-aw karon ni Gensan city administrator atty. Francklin Gacal nga dili obligasyon sa siyudad sa Heneral Santos nga mubayad sa wala nabayrang bill sa kuryente sa General Santos City Police Office nga mukabat sa 5.9 miliyones ka pesos .
Matud niini nga ang PNP usa ka nasudnong ahensiya nga adunay kaugalingong pondo panalapi alang sa ilang mga kinahanglanon o maintenance and other operating expenses kon MOOE nga maoy gitagana sa susamang balayrunon sa ilang buhatan.
Dugang pa niini nga nasunod lamang ni Col. Olaivar ang daan bayrunun gikan sa milabay nga mga police city director ning syudad hingnungdan nga angayan na kining magpakitabang sa city government sa Gensan.
Samtang nag pasalig man usab si Atty. Gacal nga ang syudad ang andam mutabang ngadto na sa kapulisan apan gipaklaro nga dili ang kinatibuk-ang bill sanglit mag hatag lang sila sa PNP tungod obligasyon man nila kini.
Kinahanglan lang matud pa nilang buhaton mao ang pag hatag ug letter nga nag address sa mayor nga nagahangyo ug tabang sa ilahang bayronon sa kuryente.
