Dili na ipadayon ang plano sa pagdili sa Telegram sa human sa usa ka kasabutan alang sa mas luwas nga digital nga wanang tali sa mga ahensya sa nasud ug mga representante sa plataporma sa pagmemensahe.
Sumala sa Department of Information and Communications Technology (DICT) ang ahensya nagpahigayon og miting, uban sa Cybercrime Investigation and Coordinating Center (CICC) ug mga representante sa Telegram nga sila si Ronak Singh ug Abhimanyu Yadav.
Lakip sa mga kasabutan nga naabot mao ang 24/7 nga helpdesk response alang sa diha-diha nga aksyon batok sa gitaho nga ilegal nga sulud; regular o binulan nga mga report sa DICT ug CICC bahin sa gitangtang nga sulud ug uban pang may kalabutan nga datos; ug zero tolerance batok sa Online Sexual Abuse and Exploitation of Children (OSAEC), ilegal nga sugal, ug uban pang abusadong mga kalihokan.
Kahinumduman nga ang DICT unang nagpahibalo sa posibilidad sa pagdili sa Telegram tungod sa padayon nga pagkaylap sa mga pinansyal nga pagpanglimbong ug uban pang ilegal nga mga kalihokan sa nahisgutang plataporma.
