Angayang dawaton na ang desisyon sa korte Suprema kalabutan sa pagbasura sa disqualification cancelation of COC petitions batok kang President elect Ferdinand Bong-bong Marcos Jr.
Kini ang pahayag ni Atty Teodoro Sales usa ka abogado sa dakbayan tungod gikan mismo sa supreme court ang maong desisyon.
Kalabutan niini iyang gibutyag nga ang korte suprema ang may huridiksyon niini isip pinakataas nga hukmanan kung asa maoy maghatag ug pinal nga desisyon kalabutan sa disqualification case ni Marcos.
Gikadugang pa niini nga dili huyang ang argumento sa mga petitioners aron iduot si Marcos, natunong lang nga gihatagan ug pabor sa supreme court ang kampo sa presidente elect.
Sumala pa kang Atty Sales nga dakong kagubot ang mahitabo kung madiskwalipaka si Marcos tungod kung basehan ang boto sa tawo daghan ang iyang mga supporters nga naghulat nalang sa iyang paglingkod.
Kahinumduman ugmang adlawa na Hunyo 30 manumpa na kini isip ika dise syete nga Presidente sa Republika ng Pilipinas.
