Gidepensahan sa Bangko Sentral ng Pilipinas (BSP) ang pagbaligya sa gold holdings sa unang tulo ka bulan sa 2024 dungans a pag-angkon nga kabahin kini sa “active management strategy” sa gold reserves.
Ang pahayag ang gipagawas human ang BestBrokers usa ka online aggregator nga makita sa Philippine central bank ang nagbutyag nga nanguna ang Pilipinas sa talaan sa mga nasud nga may pinakadako nga gold reserved ang nabaligya sumala World Gold Council.
Matud sa BestBrokers nga ang Pilipinas nagbaligya ug 24.95 tonnes sa bulawan sa Enero hangtud Hunyo hinungdan sa pag-ubos ug 15.69% ang gold reserved sa nasud nga anaa na lamang sa 134.06 tonnes kumpara sa 1.33 tonnes ang nadugang sa gold reserves sa nakalabay nga tuig.
Nagsunod sa Pilipinas ang Thailand, Uzbekistan, Mongolia ug Singapore .
Basi sa talaan sa WGC ang Pilipinas ang ika 31 nga nasud sa gold holdings nga may 132.7 tonnes as of June 2024, bugti sa 9.8% sa reserves.
Ang Gold reserves ang kabahin sa gross international reserves sa nasud kung asa ang gold reserves ang ginabayad sa import payments ug service foreign debt.
