Target sa lokal nga gobyerno sa dakbayan nga sa sunod semana sugdan na ang pagbakuna sa general population sa mga nagpangidaron og singko hangtud sa 11 anyos.
Matud pa ni Dr. Jett Oco, local IATF incident commander nga kini gumikan padayon pa ang ilang pagpanglista sa mga gusto nga magpabakuna.
Gibutyag pa niini nga gumikan sensitibo ang vaccines angayang kontrolado ang ipagawas sa storage facility nga igo lang sa mga bakunahan og dili pasobrahan basin madaut.
Panawagan ni Dr. Oco sa mga ginikanan nga kuyugan gayud ang mga bata kung bakunahan og dad-on ang iyang birth certificate.
Una niini walay natala nga adverse events following immunization sa pilot immunization batok sa COVID 19 sa mga nagpangidaron og singko hangtud sa 11 anyos nga mga bata sa dakbayan nga gipahigayon sa Dr. Jorge Royeca Hospital.
Giuna ang mga anak sa mga health workers gumikan dili malisdan ipasabot kanila ang sitwasyon og unsa ang epekto sa mga bata kung bakunado.
