GENERAL SANTOS CITY – Bisan sa mga checkpoint magpahigayon ug pagbakuna kontra polio ang IPHO Sarangani .
Kini human gibutyag ni Dr. Arvin Alejandro nga andam na ang Integrated Provincial Health Office sa Sarangani alang sa massive vaccination nga pagasugdan karong Nobyembre 25, 2019.
Target mabakunahan ang mukapin setenta mil ka mga bata nga nag edad lima ka tuig paubos.
Matud ni Provincial Health Officer Dr. Alvin Alejandro nga polio vaccine type One ug type 3 ang ginahatag nga bakuna sa mga bata sa mga Rural health unit samtang type two nga bakuna ang pamugong sa type 2 polio .
Matud sa IPHO nga adunay 70,816 ka mga bata ang target sa programa. Sa maong ihap target nga mahatagan sa bakuna ang dili moubos sa otsenta hangtud nubenta porsyento sa mga kabataan samtang dos mil ka mga bata matag adlaw ang angayan nga mahatdan sa serbsiyo .
Una nang gibutyag sa mga eskperto nga walay tambal ang sakip nga polio apan mamahimo kini nga malikayan pinaagi sa paghatag ug bakuna.
