Mukabat sa kapin P40 million ang grabeng pagbaha nga miigo sa halos napulo ka barangay sa syudad sa Malaybalay, Bukidnon.
Kini sumala sa pasiunang datos gikan sa Malaybalay City Disaster Risk Reduction and Management Council o CDRRMC gumikan sa kadaot sa daghang kabalayan nga gipuy-an sa 2, 161 pamilya ingon man sa sektor sa agrikultura.
Matud ni Malaybalay City Mayor Jay Warren Pabillaran nga kini ang rason nga gipatuman nila ang state of calamity sa pito ka barangay nga grabeng naapektuhan sa pagbaha niadtong Hunyo 25 hangtod 26 ning tuiga.
Gibutyag sa mayor nga pinaagi sa maong deklarasyon, magamit nila ang portion sa 30 porsiento sa ilang quick response fund alang sa mga apektado sa kalamidad.
Kahinumdoman nga anaa sa 20 million ang damyos sa mga pananom ug mga kahayupan ingon man laing P20.8 million ang gikan sa mga humay,mais, high value commercial crops ug pangisdaan.
Lakip sa mga apektadong barangay nga ubos sa state of calamity tungod sa pagbaha mao ang Apo Macote; San Martin; Sinangalanan; Simaya; Violeta; Managok ug Sto Niño diin nagsumikad ang 2, 161 ka pamilya nga nahasol sa kalamidad.
CDRRMC
Jay Warren Pabillaran
Malaybalay City
Managok
pagbaha
San Martin
State of calamity Sto Nino
