Pagbag-o og liderato sa Kamara dili unta magtabon sa mga nalambigit sa flood control project anomaly- Atty. Garcia

GENSAN- Nanghinaot si Atty. Rogelio Garcia nga dili angayang mahimong rason ang pagbag-o sa liderato sa Kamara aron malimtan ang isyu kabahin sa anomalya sa mga infrastracture project kung asa ang kanhi House Speaker nga si Leyte Rep. Martin Romualdez ang nalambigit.

Matud sa maong abogado nga magmalampuson unta si House Speaker Faustino Bojie Dy III nga magpatuman og reporma sa Ubos Balay Balauranan sa Kongreso og kanunay nga transparent.

Sa iyang pamahayag nga ang katawhan ang angayan na karong magpakabana sa mga problema sa nasod sama sa flood control scandal.

Gidugang pa ni Atty.Garcia nga ang mga mapamatud-ang nangawat sa kaban sa gobyerno ang angayang ipapriso tungod kini magpakita ug hustisya alang sa tanan.